حبيناك من قلوبنا

حبيناك من قلوبنا/اسماعيل حسن
حبيناك من قلوبنا واخترناك يا حلو
ماتبادلونا العواطف ليه تدللو

حبينا فيك العفة والدم الشربات
والله العيون خلتنا في حيرة وآهات
وفي ابتسامتك شفنا جنات وجنات
شوف العلينا واحكم كن داير اثبات

كان الدلال من طبعك وعاجبنا فيك غرور
ان جرت برضك عادل ظلم الجميل مغفور
نهواك نفيك في ريدك شايفين ألمنا سرور
نار الغرام تهاجر لقلوبنا توقد نور

أصلو الجحيم في غرامك نرضا عشان يرضيك
حتى المحال ان درت بنطوعو ونهديك
ارواحنا حولك هايمة حارساك دوام تحميك
بيك نورت أيامن والفرحة تمت بيك

اسماعيل حسن قامة متفردة فى مجال الشعر الغنائى حيث غنى له معظم عمالقة الفن السودانى